Ìn-tōo-kàu, sè-kài siōng khah tsú-iàu ê tsong-kàu tsi-it, sìn-tôo tih-beh tshiau-kuè tsa̍p tiám gōo ik lâng (it kiú kiú sam nî kóo-kè sòo-jī), kan-na su hōo ū tsa̍p-gōo-ik sìn-tôo ê Ki-tok-kàu kah tsa̍p-it-ik sìn-tôo ê Bo̍k-su-lîm-kàu(穆士林教), sǹg sī sè-kài tē-sann tuā ê tsong-kàu.
Kàu-gī[]
Ìn-tōo-kàu thàu-té iōng hit-pún tī kong-guân-tsîng tsi̍t-tshing gōo-pah nî siá--ê Huī-tô-king (《吠陀經》) tsò kàu-gī. Tî-liáu tse í-guā, kok kàu-phài uân-á lóng-ū ka-kī ê king-bûn, iah hia-ê king-bûn to̍h bô it-tīng kāng-khuán.
Tsoo-tsit[]
Hiān-tsú-sî tī Ìn-tōo, íng-hiáng siōng-kài tuā--ê tsoo-tsit sī Kok-bîn Tsì-guān Ho̍k-bū-thuân kah Sè-kài Ìn-tōo-kàu Tāi-tông-huē.
Kok-bîn Tsì-guān Ho̍k-bū-thuân tī it kiú jī ngóo nî sîng-li̍p, tsông-pài Lô-môo-sin (羅摩神), i ê khai-san-tsóo sī Hái-tik-kik-nguá (海德格瓦).
Sè-kài Ìn-tōo-kàu Tāi-tông-huē sī tsin-tsiànn tuā-hîng ê Ìn-tōo-kàu tsoo-tsit, sī In-tōo-kàu kok phài-pia̍t ê liân-ha̍p-thé, sîng-li̍p tī it kiú lio̍k sù nî, tsòng-sí-jîn sī Kok-bîn Tsì-guān Ho̍k-bū-thuân ê thâu-lâng Ko-uá-khik (高瓦克). Tsit-ê tsoo-tsit king-kuè sann-tsa̍p-kuí-nî ê huat-tián, tann í-king tsiânn-tsuè tuā-hîng ê tsong-kàu liân-ha̍p tsot-tsit, lóng-tsóng ū pah-guā-ê phài-pia̍t kah gōo-tsa̍p-it ê tsí-tō-uí-uân-huē, tsham sè-kài siōng sann-tsa̍p-guā-ê kok-ka ê In-tōo-kàu tsoo-tsit pó-tshî liân-hē.
- Tsit phinn sī uì Hô-ló-pah-kho(Holopedia) ê : "Ìn-tō͘-kàu" kái lâi--ê. Guân-pún ê tsok-tsiá tshiánn khuànn i ê pian-tsi̍p li̍k-sú.