Uì bu̍t-lí ê kuan-tiám lâi kóng, ú-tīu sī sóo-ū tī-teh ê mi̍h ha̍p--khí-lâi ê tsuân-pōo, mā sī sóo-ū ê sū-kiānn huat-sing ê khong-kan. Kuan-tshat ē tio̍h ê pōo-hūn hō tsò í-ti ú-tīu (known universe), kuan-tshat ē tio̍h ê ú-tīu (observable universe), ia̍h khuànn ē tio̍h ê ú-tīu (visible universe). In-uī ú-tīu khok-tshiong tsō-tsiânn i tuā-hūn tī lán kuan-tshat bē tio̍h ê uī, khah tsē ú-tīu-ha̍k-ka tông-ì lán bô khó-lîng kuan-tshat tio̍h ú-tīu ê tsuân-pōo. Ú-tīu-ha̍k kā ú-tīu sīunn tsò sī íu-hān ia̍h bû-hān ê sî-khong liân-sio̍k (space-time continuum), kî-tiong pau-hâm it-tshè ê mi̍h kap lîng-guân. Ū kho-ha̍k-ka ká-tīng tsit ê ú-tīu huān-sè sī pau-hâm tsē-tsē ú-tīu ê hē-thóng--ni̍h ê tsi̍t ê; tsit ê hē-thóng hō tsò to-ú-tīu (multiverse).
- Tsit phinn sī uì Hô-ló-pah-kho(Holopedia) ê : "Ú-tiū" kái lâi--ê. Guân-pún ê tsok-tsiá tshiánn khuànn i ê pian-tsi̍p li̍k-sú.