Ūn-su sī kā lâng ia̍h-sī huè-bu̍t uì tsi̍t ê sóo-tsāi sàng khì pa̍t ê sóo-tsāi. Ūn-su ē-sái uì ki-tshóo siat-si, ūn-su kang-kū, ūn-su kui-tīng tsit sann hong-bīn lâi khuànn.
Ki-tshóo siat-si pau-kuat tshia-lōo, thih-ki-lōo, hâng-khong, ūn-hô kah lōo-suànn. Hiâ--ê tsi̍t ūn-tsok--khí-lâi tō piàn tsò tsi̍t-ê bāng-lōo. Ki-tshóo siat-si mā pau-kuat hue-lîng-ki-tiûnn, hué-tshia-tsām, tshia-tsām kah káng-kháu. Ki-tshóo siat-si it-puann sī tsìng-hú iōng jîn-bîn la̍p ê suè khí--ê. Beh khí tsìn-tsîng sī iû thóo-bo̍k kang-tîng-su kah too-tshī kè-ue̍h-su lâi siat-kè.
Ūn-su kang-kū tī ki-tshóo siat-si bīn-tíng tsáu. Pau-kuat tshia, thua-la-khuh, hué-tshia kah hue-lîng-ki. Hiâ it-puann sī ki-hāi kang-tîng-su siat-kè--ê. Ūn-su kang-kū iáu-ū sái tī tsuí-lōo, ài iōng tio̍h káng-kháu, bé-thâu ê tsûn, tōo-tsûn, huè-tsûn. Kāng-khuánn--ê, hué-tshia ài ū hué-tshia-tsām. Hui-lîng-ki ài ū hui-lîng-ki-tiûnn. Hué-tshia sái tī thih-ki-lōo. Hue-lîng-ki leh pue mā ū hâng-khong lōo-suànn.
Ūn-su kui-tīng sī uī-tio̍h khòng-tsè hē-thóng. Pua-kuat tshenn-âng-ting, thih-ki-lōo sìn-hō-ting, hâng-kuán kah tsìng-hú kui-tīng ê siong-kuan tsìng-tshik. Mā ē ū kuè-lōo-huì, tshia kah iû ê suè-kim, kau-thong hua̍t-khuánn tíng-tíng.
- Tsit phinn bûn-tsiunn sī uì Kán-tan Ing-gí Uî-ki-pah-kho(Wikipedia) ê "Transport" kái lâi--ê. Guân-pún bûn-tsiunn ê tsok-tsiá tshiánn khuànn i ê pian-tsi̍p li̍k-sú.