倫理學（lûn-lí-ha̍k）是哲學的一个分支，倫理學研究的目的是欲了解道德的本質，辨別甚物是著，甚物是毋著的，佇西國傳統內底，倫理學有時陣hông叫做道德哲學（英語：moral philosophy），普通用"倫理學"這个字詞，是指研究和分析是非（著佮毋著），好佮歹的學科。
倫理學一般的種門[]
倫理學的界限真闊，毋過會當約其略共分做後設倫理學（英語：meta-ethics）佮規範倫理學（英語：normative ethics）這兩支。
總是咱罕得講佗一个學者是後設倫理學者抑規範倫理學者，大部份的倫理學者的著作內底，這兩部份攏會加加減減寫著。
後設倫理學[]
- 後設倫理學研究的，是倫理聲明的本質，也就是專門對有道德判斷的觀念做分析的倫理學科，因為二十世紀研究哲學佮分析哲學的影響choaⁿ-á大興。
規範倫理學[]
- 規範倫理學是稽考甚物款的道德（規範）和判斷是好的（正義的、著的等等）的倫理學科。
- 規範倫理學就親像後設倫理學佮實用倫理學中間的一條橋，這个學科直直咧走揣實用的道德標準，予人會當辨別著佮毋著，閣人欲按怎才會當過有道德的生活。
實用倫理學[]
實用倫理學是共後設倫理學佮規範倫理學研究的成績，進一步看佇現代實行的有甚物問題，閣會合袂合的學科。
若照實行的無仝界限來分，上無有下跤遮的分支：
- 性命倫理學
- 醫療倫理學
- 環境倫理學
- 經濟倫理學
- 資訊倫理學
- 這篇文章是對河佬百科(Holopedia)的："Lûn-lí-ha̍k"改來的，原本文章的作者請看伊的編輯歷史。
