台語百科 Wiki
Advertisement

哲学(tiat-ha̍k)这个词是对日本汉字词 哲学 (てつがく) 来-的,另外希腊语φιλοσοφια是"对智彗的爱"的意思,希腊语的这个字是德语Philosophie, 法语philosophie英语 philosophy的共同来源。

哲学的意思真济:

  • 个人看这个世界抑是世界某物物件 / 代志的方式。
  • 捌学过按怎思考的人所想出来的规套的观念系统。
  • 研究抽像观念的学门。

这篇文章所讲的哲学是讲研究哲学这个学科的学者(哲学家)怹久长咧做思考的遐的观念(学问)。

顶悬讲遮个观念已经成做一个真大的智识佮问题的系统矣,哲学本身就有分做真济类,有个哲学系统是对欧洲,特别是古早的希腊来-的,有个是对亚洲-出来的,有个是阁别位-的。

基本绍介[]


哲学是一款透过思考佮问问题来研究人类佮这个世界的学问,另外一种哲学的定义是"对抽像观念的研究",哲学毋是科学的一种,因为哲学毋是咧研究这世间的物件佮代志按怎运作,基本上,哲学是透过回答一寡大问题,阁对彼实际的答案进一步问看"为甚物 / 为甚物毋是"这款的方式咧做思考。

毋过哲学佮科学有关系,嘛和宗教有底代,对科学佮宗教的一寡问题,哲学甚至会当做伙来提供答案,有人认为哲学是一款伫科学佮宗教中间的学问,嘛有人认为哲学应该著独立做研究,莫有交插。

哲学家对问题的答案会使是五花十色,哲学佮科学和宗教无仝,有当时仔对问题并无正确的答案,干焦通讲揣有较好的答案niā-tiāⁿ。

下跤是一寡哲学的重要的问题:

  • 甚物是好,抑是讲甚物是媠-的?
  • 敢有上帝
  • 咱伫咧这个世界敢诚实存在?
  • 是啥货?
  • 甚物是真理

哲学的领域佮分支[]


咱会当共哲学阁分拆,变做无仝的领学或者是分支,分拆的标准是咱问的问题的分类,下跤就是照逐类的问题分做几若个领域或是分支,遮的问题比顶悬遐的问题加真齐全,若有一套通回答遮的问题的答案,咱就通讲彼是一套"哲学",今已经有济济哲学伫咧,就亲像逐的人对下面遮的问题的看法拢各样仝意思,总-是嘛毋是拢总的哲学家拢问仝款的问题,下跤的问题干焦是欧洲的哲学家较捷问的。


  • 形而上学: 有时阵阁分做本体论 (研究实体佮存在的哲学)、研究心灵、佮研究宗教的哲学三种。
    • 本体论
      • 咱所看的这个世界到底是啥物? (甚物是实际-的?)
      • 敢有人看会著听会著以外的物件 / 代志?
      • 若准无人看着代志发生,敢著通讲彼代志无发生?
      • 敢有其他的世界?比论讲有另外一个世界,伫遐发生的代志和咱这个世界各样?
      • 做人或者是活咧敢有甚物特别的所在?若无来讲,是按怎有人会想做有?
      • 甚物是空间?阁甚物是时间
    • 研究心灵的哲学
      • 甚物是 / 心灵?
      • 甚物是身体 / 肉体?
      • 甚物是意识
      • 人敢会使家己做决定? 抑是讲然穷实干焦会当决定做一件代志? ( 人敢有自由意向? )
    • 研究宗教的哲学
      • 人敢有灵魂
      • 敢有一个创造万物的上帝?
  • 认识论(智识论)
    • 甚物是智识?
    • 咱是按怎知影代志(物件), 了解代志(物件)-的?
    • 甚物是科学?
    • 甚物是真理?
  • 伦理学
    • 甚物是著、甚物是毋著? 好佮歹阁是-啥
    • 人敢有一寡代志著做,阁有寡代志袂使做?
    • 甚物是正义
  • 美学
    • 甚物是媠?
    • 诚实的物件敢有媠?
    • 好的物件敢有媠?
    • 甚物是艺术
  • 明学 (论理学)
    • 咱用的字词的意思是甚物?
    • 咱著按怎才会当用一款方式共一项物件(一件代志)讲-出来,阁干焦有孤一个意思?
    • 敢是拢总的观念拢有才调用语言表达?
    • 甚物是事实 / 真理 ?


Advertisement