國家

國家（Kok-ka）是一个有土地、主權的政治單位。國家有政府發落行政，包括利用警察、軍隊制度執行法律 (親像共人民抾稅)，現代的國家一般有憲法；包括一寡王國嘛是。

有寡國家佇歷史上由一个主要的族群／民族建立，抑是佇建國的過程有幾若个族群成做一个有意識的群體，有人稱呼這款國家是民族國家，嘛有國家由幾若个有傳統土地的民族組成，後來繼續維持家己的文化、政治意識佮行政單位，甚至有自治權、旗仔、國歌，這款國家內底的單位有時oân-nā有人稱呼是"國家"，怹一般無發落外交的管理，聯合王國的威爾斯(Cymru;Wales)、西班牙的加泰隆尼亞(Catalunya)、丹麥(Danmark)的法羅群島(Føroyar;Faroe Islands)、露西亞內部的莫爾多瓦共和國 (Мордовскяй Республикась;Republic of Mordovia)。

國家的領土有時毋是規塊夾做伙，親像東帝汶(East Timor)有細塊土地(Oecussi-Ambeno;歐庫西-安貝諾)佇印尼統治的西帝汶(West Timor)。