台語百科 Wiki
Advertisement

T72坦克(翕相:cell105

坦克(thán-khik;英語:Tank)是一種戰車,佇中國古代的戰爭當中,戰車著予人當做一種重要的突擊裝備,受著古早人的重視,佇現代的戰爭當中,戰車作為陸軍建設的基礎裝備,閣較是受著軍方的普遍重視,其中,坦克俱備攻擊佮防守的能力,佇戰場頂愈來愈猛,得著軍政當局,尤其是陸軍的佮意,所以坦克裝備嘛得著真大的發展。

坦克的效能佇咧伊的攻擊能力、防守能力佮機動能力。

  • 攻擊能力:坦克一般配備一門一公尺粗火炮,一欉防步兵佮一欉防低空的機關銃,少數的防空彈反坦克導導,兩个火箭發射器,這以外,閣有以計算機為心臟的火控系統, 較揜屧的多角度銃子發射空,俱備遮的功能,坦克的攻擊能力變甲遐爾仔強。
  • 防護能力:採用複合裝甲,予普通的炮彈真僫得共拍迵過;採用主動裝甲,抵抗專用穿甲彈的攻擊;採用分艙的技術,提懸整體生存能力,這以外,猶閣俱備較完善的防毒氣的功能。
  • 機動能力:坦克俱有大約1500馬力的發動機,相當於火車抑是機動車的動力;鍊帶或著多輪式的行駛系統,進一步提懸坦克盤山過嶺的能力;紅外線潛望鏡系統會當保證坦克車良好的thong視能力;另外,gâu蹽水佮優秀的水面行駛能力予坦克車俱備水陸作戰的效能,這陣,大多數的坦克,攏有70公里以上的越野速度,60度的peh崎能力,會當挵過一公尺厚的壁牆,食水深度達到2公尺,踮水面航行10公里無問題,俱備遮爾濟優良的性能,會當看出坦克的機動性是其他的汽車永遠無法度通比並的。

坦克車的類別

坦克車會當分做四種的類型:主戰坦克中型坦克輕型坦克特種坦克

主戰坦克主要是用來佮敵人的坦克作戰;中型坦克主要是配合步兵作戰;輕型坦克會當用軍艦運送抑是空運到作戰的所在,用來配合空降兵抑是海軍陸戰隊的作戰;特種坦克一般是無人駕駛的輕型坦克,會使佇戰場頂做偵察,嘛會使用來載滿火藥衝入敵軍的重要軍事設施,了後共伊炸掉。

評論

坦克的作用當然真重要,不而過若是無其他兵種的配合佮支持,嘛會成做反坦克步兵佮武裝直升飛機的肉砧,予伊無法度發揮功效,話閣講倒轉,假使敵人的步兵若無佩備對付坦克的重武器,當當伊遭受坦克攻擊的時陣,恐驚嘛會真不幸,凡勢準算孫武在世嘛無伊法,只好看破kin-liâu, 較袂拄著pa̍t-tiâu


  • 這篇文章是對河佬百科(Holopedia)的:"Tank"改來的,原本文章的作者請看伊的編輯歷史
Advertisement