尪仔画，嘛有号做bàng-gah，是一款美术创作的形态，尪仔画会使是孤一张抑是连绁真济张按照一定的顺序斗做一个系列，画的面顶捷捷有文字，尪仔话有两种普遍的款式：极加几若张的（一般刊伫报纸、杂志）佮刊较长的尪仔册。
Ang-á-uē, mā ū hō-tsò bàng-gah, sī tsi̍t khuán bí-su̍t tshòng-tsok ê hîng-thài. Ang-á-uē ē-sái sī koo-tsi̍t-tiunn a̍h-sī liân-suà tsin tsē tiunn àn-tsiàu it-tīng ê sūn-sī tàu tsò tsi̍t ê hē-lia̍t. Uē ê bīn-tíng tsia̍p-tsia̍p ū bûn-jī. Ang-á-uē ū nn̄g tsióng phóo-phiàn ê khuán-sik: ki̍k-ke kuí-nā-tiunn--ê (it-puann khan tī pò-tsuá, tsa̍p-tsì) kah khan khah tn̂g ê ang-á-tsheh.
尪仔动画是一种动画，用电视、电影、电脑萤幕做媒体的形式，特别指日本anime（有时嘛号做bàng-gah）。
Ang-á-tōng-uē sī tsi̍t tsióng tōng-uē, iōng tiān-sī, tiān-iánn, tiān-náu îng-bōo tsò muî-thé ê hîng-sik, ti̍k-pia̍t tsí Ji̍t-pún anime (ū-sî mā hō-tsò bàng-gah).
定义[]
Bàng-gah欲按怎详细来定义，有无仝款的看法，有的学者坚持讲，尪仔画的定义定着考虑伊是印刷品，抑是强调影像佮文字的依赖性，嘛有强调图佮图之间的连贯性，这个定义排除干焦一幕的尪仔图，可比讲鱼夫的政治bàng-gah。
Bàng-gah beh án-tsuánn siông-sè lâi tīng-gī, ū bô kāng-khuán ê khuànn-huat. Ū-ê ha̍k-tsiá kian-tshî kóng, ang-á-uē ê tīng-gī tiānn-tio̍h khó-lū i sī ìn-suat-phín, a̍h-sī kiông-tiāu iánn-siòng kah bûn-jī ê i-lāi-sìng. Mā ū kiông-tiāu tôo kah tôo tsi-kan ê liân-kuàn-sìng. Tsit ê tīng-gī pâi-tû kan-na tsi̍t-bōo ê ang-á-tôo, khó-pí kóng Hî-hu ê tsìng-tī bàng-gah.
媒介[]
伫美国，印刷出版的尪仔较济用笔佮墨水画的，总是，嘛有人用颜料、蜡笔，抑是铅笔，那来那济人用电脑计算机的工具画，Fumetti是将翕的相配"讲话的鸡胿仔"(speech balloon)的尪仔画。
Muî-kài
Tī Bí-kok, ìn-suat tshut-pán ê ang-á khah tsē iōng pit kah ba̍k-tsuí uē--ê. Tsóng--sī, mā ū lâng iōng gân-liāu, la̍h-pit, a̍h-sī iân-pit; ná lâi ná tsē lâng iōng tiān-náu kè-sǹg-ki ê kang-khū uē. Fumetti sī tsiōng hip ê siòng phuè "kóng-uē ê ke-kui-á" (speets balloon) ê ang-á-uē.
题材的分类[]
- 政治尪仔画（一款评论bàng-gah）
- 科幻尪仔画
- 超人尪仔画（英语：superhero comic books）
- 教育尪仔画
- 色情尪仔画
Tê-tsâi ê hun-luī
- Tsìng-tī ang-á-uē (tsi̍t khuán phîng-lūn bàng-gah)
- Kho-huàn ang-á-uē
- Tshiau-lâng ang-á-tsheh (Ing-gí: superhero comic books)
- Kàu-io̍k ang-á-uē
- Sik-tsîng ang-á-uē
表现的形式[]
- 尪仔小说（英语：graphical novel）
- 四格尪仔画
Piáu-hiān ê hîng-sik
- Ang-á-siáu-suat (Ing-gí: graphical novel)
- Sì-keh ang-á-uē
地方的尪仔画[]
- 美国bàng-gah
- 日本bàng-gah
- 台湾bàng-gah
Tē-hng ê ang-á-uē
- Bí-kok bàng-gah
- Ji̍t-pún bàng-gah
- Tâi-uân bàng-gah
- 这篇文章嘛是对河佬百科(Holopedia)的："Ang-á-oē"改来的，原本文章的作者请看伊的编辑历史。