台語百科 Wiki

This wiki's URL has been migrated to the primary fandom.com domain.Read more here

了解更多

台語百科 Wiki
Advertisement

建筑(kiàn-tio̍k),是指提供予徛起抑活动,有内部空间的构造物的phah-tat、设计造作一直甲使用的整个过程,或者是这个过程中的一部分,阁有当阵,这个词嘛指头前讲的这个构造物本身,总是构造物本身讲建筑物的较明确。

Kiàn-tio̍k, sī kí thê-kiong hōo lâng khiā-khí iah ua̍t-tōng, ū luē-pōo khong-kan ê kòo-tsō-bu̍t ê phah-tat, siat-kè, tsō-tsok it-ti̍t kah sú-iōng ê tsìng-kô kuè-tîng, hi̍k-tsiá-sī tsit-ê kuè-tîng-tiong ê tsi̍t-pōo-hūn. Koh ū-tang-tsūn, tsit-ê sû mā kí thâu-tsîng kóng ê tsit-ê kòo-tsō-bu̍t pún-sin, tsóng--sī kòo-tsō-bu̍t pún-sin kóng kiàn-tio̍k-bu̍t ē khah bîng-khak.

罗马时代建筑家Marcus Vitruvius Pollio所写的论建筑 (De Architectura)是现此时犹伫咧上古早的建筑学,伫册里,Marcus Vitruvius Pollio 追求路用、坚固、lè-táu (venustas)这三点的同齐达成,若欲达成这三个目标,无艺术科学的理解是袂用得的。

Lô-má sî-tāi ê kiàn-tio̍k-ka Marcus Vitruvius Pollio sóo siá ê Lūn Kiàn-tio̍k (De Artsitectura) sī hiān-tshú-sî iáu tī-leh siōng-kóo-tsá ê kiàn-tio̍k-ha̍k ê tsheh. Tī tsheh--ni̍h, Marcus Vitruvius Pollio tui-kîu lōo-iōng (utilitas), kian-kòo (firmatis), lè-táu (venustas) tsit sann tiám ê tâng-tsê ta̍t-sîng, nā beh ta̍t-sîng tsit sann ê bo̍k-phiau, bô gē-su̍t kap kho-ha̍k ê lí-kái sī bē-īng-tit--ê.

语源[]

建筑这个词,原底是日语翻译的汉字词(建筑),伫日本明治早期,自底是用"造家"来讲仝一项代志,1894年,建筑史家兼建筑家伊东忠太(Itou Chiuta)伫论文论Architecture的本义来选择翻译用字,向望会当共咱造家学会改名 (アーキテクチュールの本义を论じて其の訳字を撰定し我が造家学会の改名を望む)内底,主张Architecture:"应该是属伫世界上Fine Art的项物,毋是属伫Industrial Art的项目",伊认为着共翻译做"建筑"才有四伨。

Gí-guân

Kiàn-tio̍k tsit-ê sû, guân-té sī Ji̍t-gí huan-i̍k ê Hàn-jī-sû (建筑). Tī Ji̍t-pún Bîng-tī tsá-kî, tsū-té sī īng "造家" lâi kóng kāng tsit-hāng tāi-tsì. it pa̍t kiú sù nî, Kiàn-tio̍k-sú-ka kiam kiàn-tio̍k-ka Itoo Tsiuta (伊东忠太) tī lūn-bûn: Lūn Artsitecture ê pún-gī lâi suán-ti̍k huan-i̍k iōng-jī, ǹg-bāng ē-tàng kā lán Tsō-ka Ha̍k-huē kái-miâ (アーキテクチュールの本义を论じて其の訳字を撰定し我が造家学会の改名を望む) lāi-té, tsú-tiunn Artsitecture: "ing-kai sī sio̍k-tī sè-kài-siōng Fine Art ê hāng-mi̍h, m̄-sī sio̍k-tī Industrial Art ê hāng-mi̍h", i jīn-uî tio̍h kā huan-i̍k tsò "kiàn-tio̍k" tsiah ū sì-thīn.

明治时代的英文-日文辞典就已经用"建筑的技术"来解说英文字"construction"啊,虽罔彼时阵是共这个词当做"建设"的意思来用,毋过这个词的实自来就存在伫字义呢,等伊东忠太(Itou Chiuta)提出用词的建议了后,这个汉字词才沓沓仔变做这马咧讲的意思,并且予中文河佬等等的语言吸收,伫无仝的语言内底使用。

Bîng-tī sî-tāi ê Ing-bûn-Ji̍t-bûn sû-tián tō í-king īng "kián-tio̍k ê ki-su̍t" lâi kái-sueh Ing-bûn-jī "construction"--a, sui-bóng hit-sî-tsūn sī kā tsit-ê sû tòng-tsò "kiàn-siat" ê ì-sù leh īng, m̄-koh tsit-ê sû tik-si̍t tsū-lâi tō tsûn-tsāi tī Ji̍t-gí--ni̍h, Tán Itoo Tsiuta thê-tshut iōng-sû ê kiàn-gī liáu-āu, tsit-ê Hàn-jī-sû tsiah ta̍uh-ta̍uh-á piàn-tsò tsit-má leh kóng ê ì-sù, pīng-tshiánn hōo Tiong-bûn kap Hō-ló tíng-tíng ê gí-giân khip-siu, tī bô-kâng ê gí-giân lāi-té sú-iōng.

相关的文章[]

  • 建筑学
  • 建筑物

Siang-kuan ê bûn-tsinn

  • Kiàn-tio̍k-ha̍k
  • Kiàn-tio̍k-bu̍t


Advertisement