智識 (tì-sik)，簡單講就是咱會當用咱對某一項物件的了解去做一寡代誌，遮的物件凡勢是事實、真相，抑是資訊，得著智識的過程號做學習，哲學對智識的研究號做智識論。
智識論[]
智識佮意義、資訊、指令、溝通、表達、學習、心理刺激遮的觀念有誠峇的關係。 智識佮資訊攏是咧講真相，毋過智識閣著強調目的抑是用途，哲學家共這號做資訊佮意圖的關連。 對柏拉圖(Plato)的泰鄂提得斯(Theaetetus)發展出來的智識論，共智識看做是有正當理由的正實的信篤，毋過這干焦是智識的必要條件。 真相定定無法度確定，智識到底欲按怎確定？這個問題哲學家、歷史學家、社會學家猶誠有塊撨，路德維希‧維特根斯坦(Ludwig Wittgenstein)有寫一本"佇確實"(On Certainty)探討這款行動哲學的問題。
按怎講有正當理由[]
往過的哲學定共智識看做替信篤做正當理由，理由愈確定愈好，無理由的信篤干焦是一種可能的意見，智識論就是咧處理智識的本質、起源佮範圍。 毋過信篤欲成做智識著愛有理由佮證據，按呢才有正當理由講信篤是正實的。 智識用這種方式來定義會拄著"葛第爾問題 " (Gettier problem)。
懷疑主義[]
科學家抑是哲學家毋講"智識敢有可能?"的時，(人因)是表示"敢有充份的理由佮證據予人相信?"採取哲學懷疑主義的哲學家會講"無"，因為(人因)採取上嚴格的態度來看待遮的理由佮證據，毋過無啥物證據是真正會當百分之百確定的，啊若採取 科學懷疑主義的科學家會等待證據有確定才接受。
智識管理[]
智識會當看做一個直直自我參考的系統，智識管理就是想欲了解一個組織內底按怎運用佮交換智識，對這個角度來看，智識的定義會定定改變，用經驗做底蒂， 智識會得通講是資訊咧變化的一個形式，啊資訊的本質就是對無仝的角度來解讀資料。
智識社會學[]
智識嘛會得看做社會的一種資本 (抑是別種角色) ，智識社會學佮科學智識社會學就是欲了解智識佮社會怎樣互動. 個人佮文化會使透過經驗、觀察佮推論來得著智識，智識若傳播出去，人就會變做閣較有創意，敢吸收新的想法佮做法，這個過程裡，智識就會得綴咧發展。
有人按呢講[]
1998年 T. Davenport佮一寡人講智識是一種資訊，伊佮經驗、頂的文，解讀、化謝敆做伙，變做誠價值，會當用踮決策佮行動。 1994年野中郁次郎(I. Nonaka)講智識一方面會當用正式、系統化的語言明確寫落來，閣會得傳播；另外一方面智識藏佇人的頭殼內，誠僫形式化，嘛誠僫溝通。