台語百科 Wiki
Advertisement

模特兒(Model)是一款職業,這个職業的人專門用怹的外表、表演、打扮佮穿插,來做時尚設計、藝術創作,抑是做各款宣傳活動。 親像佇電視報紙雜誌廣告著捷看著遮的人。

Bôo-ti̍k-jî(Model) sī tsi̍t khuán tsit-gia̍p. Tsit ê tsit-gia̍p ê lâng tsuan-bûn iōng in ê guā-piáu, piáu-ián, tánn-pān kap tshīng-tshah, lâi tsò sî-siōng siat-kè, gē-su̍t tshòng-tsok, ia̍h sī tsò kok khuán suan-thuân ua̍h-tāng. Tshan-tshiūnn tī tiān-sī, pò-tsuá, tsa̍p-tsì ê kóng-kò tiō tsia̍p khuànn tio̍h tsia ê lâng.

分類

模特兒有誠濟種,有的干焦用著怹身軀的一部份,親像有人的手就誠寶貝,佇手指、手錶廣告內底就愛借怹的手來表現產品。

時尚模特兒就用佇賣衫、賣化妝品,佇時尚表演的新衫發表會,服裝設計師會倩時尚模特兒穿著新衫、行佇秀臺予觀眾看。

藝術模特兒是予攝影師畫家藝術家咧倩的,倩模特兒來tshāi一个姿勢,予攝影師遮的人會當創作藝術。

hun-luī

Bôo-ti̍k-jî ū tsiânn tsē tsióng. Ū ê kan-nā iōng tio̍h in sin-khu ê tsi̍t pōo-hūn. Tshan-tshiūnn ū lâng ê tshiú tō tsiânn pó-puè. Tī tshiú-tsí, tshiú-pió kóng-kò lāi-té tō ài tsioh in ê tshiú lâi piáu-hiān sán-phín.

Sî-siōng bôo-ti̍k-jî tō iōng tī bē sann, bē huà-tsong-phín. Tī sî-siōng piáu-ián ê sin-sann huat-piáu-huē, ho̍k-tsong siat-kè-su ē tshiànn sî-siōng bôo-ti̍k-jî tshng tio̍h sin sann, kiânn tī siù-tâi hōo kuan-tsiòng khuànn.

Gē-su̍t bôo-ti̍k-jî sī hōo lia̍p-iánn-su, uē-ka, gē-su̍t-ka le̍h tshiànn ê. tshiànn bôo-ti̍k-jî lâi tshāi tsi̍t ê tsu-sè. Hōo lia̍p-iánn-su tsia ê lâng ē-tàng tshòng-tsok gē-su̍t.


  • 這篇文章是對河佬百科(Holopedia)的:"Model"改來的,原本文章的作者請看伊的編輯歷史
Advertisement