台語百科 Wiki

This wiki's URL has been migrated to the primary fandom.com domain.Read more here

了解更多

台語百科 Wiki
Advertisement

歷史會使簡單講是"關係過去的資料",親像"地球的地理歷史",若干焦用這个詞,一般是指咱的歷史,也就是前到今的人類社會的記載。咱會使對過去的記錄來知影歷史,親像佇報紙佮人做出來的瓷仔工具‧‧的物件,猶有以早的人、動物留落來的骨頭。圖書館檔案庫博物館收集而且保存遐的物件,彼幾个所在開放予逐家來研究歷史。研究歷史的人叫做歷史學家, 靠古早文化留落來的物件來研究歷史前佮歷史後的人叫做考古學家,研究人佮社會的叫做人類學家,研究啥寫的歷史佮寫歷史的方法的人叫做史學家

Li̍k-sú ē-sái kán-tan kóng sī kuan-hē kuè-khì ê tsu-liāu, tshan-tshiūnn tē-kiû ê tē-lí li̍k-sú. Nā kan-nā iōng tsit ê sû. It-puann sī tsí lán-lâng ê li̍k-sú. Iā tiō sī tsiân kàu tann ê 「「jîn-luī]] siā-huē ê kì-tsài. Lán ē-sái uì kuè-khì ê kì-lo̍k lâi tsai-iánn li̍k-sú. Tshan-tshiūnn tī tsheh, pò-tsuá, phue kah lâng tsò tshut--lâi ê huî-á, kang-kū.. ê mi̍h-kiānn. Iáu ū í-tsá ê lâng, tōng-bu̍t lâu lo̍h-lâi ê kut-thâu. Tôo-su-kuán, tóng-àn-khòo kah phok-bu̍t-kuán siu-tsi̍p jî-tshiánn pó-tsûn hiâ ê mi̍h-kiānn. Hit kuí ê sóo-tsāi khai-hòng hōo ta̍k-ke lâi gián-kiù li̍k-sú. Gián-kiù li̍k-sú ê lâng kiò-tsò li̍k-sú ha̍k-ka. Khò kóo-tsá bûn-huà lâu lo̍h lâi ê mi̍h-kiānn lâi gián-kiù li̍k-sú tsiân kah li̍k-sú āu ê lâng kiò-tsò khó-kóo ha̍k-ka. Gián-kiù lâng kah siā-huē ê kiò-tsò jîn-luī ha̍k-ka. Gián-kiù siánn siá ê li̍k-sú kah siá li̍k-sú ê hong-huat ê lâng kiò-tsò sú-ha̍k-ka.

人佮知影過去的人談論過去,嘛會當知影過去,這種叫做口述歷史,親像佇美國做過奴隸美國內戰活落來的人,佇怹老的時陣,有人共怹講過的話寫落來,按呢彼段的歷史著袂拍毋見。

Lâng kah tsai-iánn kuè-khì ê lâng tâm-lūn kuè-khì. Mā ē-tàng tsai-iánn kuè-khì. Tsit tsióng kiò-tsò kháu-su̍t li̍k-sú. Tshan-tshiūnn tī Bí-kok tsò kuè lôo-lē, Bí-kok luē-tsiàn ua̍h lo̍h lâi ê lâng. Tī in láu ê sî-tsūn, ū lâng kā in kóng kuè ê uē siá lo̍h lâi. Àn-ne hit tuān ê li̍k-sú tio̍h bē phàng-kiàn.

佇古早的世界,無仝所在的人罕咧來往,所以只有家己的歷史,有个連見過面嘛無,中古世紀歐洲古羅馬(Ancient Rome)佮古中國攏認為家己著是世界的主要部份,其他的部份攏是野蠻無文明的。

Tī kóo-tsá ê sè-kài, bô kāng sóo-tsāi ê lâng hán leh lâi-óng. Sóo-í tsí-ū ka-tī ê li̍k-sú. Ū ê liân kìnn kuè bīn mā bô. [[Tiong-kóo sè-kí ê Au-tsiu, kóo Lô-má(Ancient Rome) kah kóo Tiong-kok lóng jīn-uî ka-kī tio̍h sī sè-kài ê tsú-iàu pōo-hūn. Kî-thann ê pōo-hūn lóng sī iá-bân bô bûn-bîng ê.

關係歷史的題目:

  • 臺灣歷史
  • 白話字歷史

Kuan-hē li̍k-sú ê tê-bo̍k:

  • Tâi-uân li̍k-sú
  • Pe̍h-uē-jī li̍k-sú


  • 這篇文章是對河佬百科(Holopedia)的:"Le̍k-sú"改來的,原本文章的作者請看伊的編輯歷史
  • 這篇文章嘛是對簡單英語維基百科的:"History"改來的,原本文章的作者請看伊的編輯歷史
Advertisement