水蛆

水蛆（tsuí-tshi）是蠓仔的幼蟲，通常生活佇袂流通的水域，只要有積水的所在，攏有可能予蠓仔放卵，造成水蛆的生湠。

熱天時若落過大雨，就會有可能佇積水的區域暴發天狗熱抑是其他由蠓蟲所傳染的病症，一般來講，只要清除積水，予水蛆無法度生存，著會當減少遮的傳染病的發生。

孔雀魚、三斑、大肚仔等等的魚仔，攏會食水蛆，對水蛆數量的減少有真大的效果。

• 這篇文章是對河佬百科(Holopedia)的："Chúi-chhi"改來的，原本文章的作者請看伊的編輯歷史。