河抑河川、河流，是陸地上的水流，會流入海、湖抑是別個河，有時嘛會流入地下抑是焦洘。
Hô ia̍h hô-tshuan, hô-lîu, sī lio̍k-tē-siōng ê tsuí-lîu, ē lâu-ji̍p hái, ôo, ia̍h-sī pa̍t-ê hô, ū-sî mā-ē lâu-ji̍p tē-hā, ia̍h-sī ta-khó.
河川的名
佇漢語內面，用來共河川號名的字有水、江、河、川、溪等等，其中江是古早長江的名：河是古早黃河的名，一般講起細條的河川號做溪，毋過無一定的標準。
Hô ê miâ
Tī Hàn-gí lāi-bīn, iōng-lâi kā hô hō miâ ê jī ū "tsuí" (水), "kang" (江), "hô" (河), "tshuan" (川), "khe" (溪) tíng-tíng. Kî-tiong, "kang" sī kóo-tsá Tn̂g-kang ê miâ; "hô" sī kóo-tsá N̂g-hô ê miâ. It-puann kóng-khí, sè-tiâu ê tsuí-lîu hō-tsò "khe", m̄-koh bô it-tīng ê piau-tsún.
佇中國福建，大條的河川一般號做江，親像閩江參晉江，細條河川號做溪，親像建溪。
Tī Tiong-kok Hok-kiàn, tuā-tiâu ê hô it-puann hō-tsò "kang", tshin-tshīunn Bân-kang kap Tsìn-kang, sè-tiâu hō-tsò "khe", tshin-tshīunn Kiàn-khe.
佇臺灣，大部份的河川攏是號做溪，親像高屏溪，少數號做河，親像基隆河抑淡水河，受日本統治的影響，臺灣嘛有一寡河hông叫做川，親像台中的綠川，抑是高雄的高雄川(現在的愛河)。
Tī Tâi-uân, tuā-hūn ê hô lóng-sī hō-tsò "khe", tshin-tshīunn Ko-pîn-khe, tsió-sòo hō-tsò "hô", tshin-tshīunn Ke-lâng-hô ia̍h Tām-tsuí-hô. Sīu Ji̍p-pún thóng-tī ê íng-hióng, Tâi-uân mā-ū tsi̍t-kuá hô hông kiò tsò "tshuan", tshin-tshīunn Tâi-tiong ê Li̍k-tshuan, ia̍h-sī Ko-hiông ê Ko-hiông-tshuan (hiān-tsāi ê Ài-hô).
相關的文章
- 運河
- 水溝
Siong-kuan ê bûn-tsiong
- Ūn-hô
- Tsuí-kau
