台語百科 Wiki
註冊
Advertisement

法律社會國家內底予人想做着順趁的有系統的規則,司法警察執行遮的規則,嘛處罰違反法律的人,處罰的手路比論罰金關監等等,佇古早時代,法律四常是頭人所制定的,來制限人著按怎生活、作穡佮做生理,現此時大多數的國家裏,法律是立法機構內面受選舉出來的政治人物制定佮投票通過的較濟。

Huat-lu̍tlângsiā-huē iah kok-ka lāi-té hōo lâng sīunn-tsò tio̍h sūn-thàn ê ū hē-thóng ê kui-tsik. Su-huat kap kíng-tshat tsip-hîng tsiah-ê kui-tsik, mā tshú-hua̍t uî-huán huat-lu̍t ê lâng, tshú-hua̍t ê tshíu-lōo pí-lūn hua̍t-kim iah kuainn-kann tíng-tíng. Tī kóo-tsá sî-tāi, huat-lu̍t sù-siông sī thâu-lâng sóo tsè-tīng--ê, lâi tsè-hâng lâng tio̍h án-tsuánn sing-hua̍t, tsoh-sit kap tsò sing-lí. Hiān-tshú-sî tuā-to-sòo ê kok-ka--ni̍h, huat-lu̍t sī li̍p-huat ki-kòo lāi-bīn sīu suán-kí--tshut-lâi ê tsìng-tī jîn-bu̍t tsè-tīng kap tâu-phiò thong-kuè--ê khah tsē.

法律的具體款式就是法律條文(法案),伊的內容包括警察、法院佮處罰的方式,律師是研究佮為被告辯護的專業人員。

Huat-lu̍t ê kū-thé khuán-sik tō sī huat-lu̍t tiâu-bûn (huat-àn), i ê luē-iông pau-kuat kíng-tshat, huat-īnn kap tshú-hua̍t ê hong-sik. Lu̍t-su sī gián-kìu kap uī pī-kò piān-hōo ê tsuan-gia̍p jîn-uân.

透過司法機構共法律執行,通制限政府干焦會當佇伊佮人民所約束範圍內使用權力,這就號做"法治",政府的權力主要受憲法的束縛,法治通避免獨裁,嘛保護人民的權利,西元前350年希臘哲學家亞里士多德(Aristotle)捌寫講:"法治較好過任何個人的統治"。

Thàu-kuè su-huat ki-kòo kā huat-lu̍t tsip-hîng, thang tsè-hān tsìng-hú kan-tann ē-tàng tī i kap jîn-bîn sóo iok-sok ê huān-uî lāi sú-iōng kuân-li̍k, tse tō hō-tsò "huat-tī". Tsìng-hú ê kuân-li̍k tsú-iàu sīu hiàn-huat ê sok-pok. Huat-tī thang phiah-bián to̍k-tshâi, mā pó-hōo jîn-bîn ê kuân-lī. Se-guân-tsîng sann-pah gōo-tsa̍p nî Hi-lia̍p tiat-ha̍k-ka Aristotle bat siá-kóng: "Huat-tī khah hó-kuè jīn-hô kò-jîn ê thóng-tī."

文化定定是濟濟法律原則的主要來源,親像家庭觀念佮社會慣勢,隴會影響法律的規定,另外佇真濟國家,宗教佮宗教冊比論吠陀經(Vedas)、聖經可蘭經(Koran)嘛捌是法律內容要緊的來源。

Bûn-huà tiānn-tiānn sī tsē-tsē huat-lu̍t guân-tsik ê tsú-iàu lâi-guân, tshin-tshīunn ka-tîng kuan-liām, kap siā-huē kuàn-sì, lóng ē íng-hióng huat-lu̍t ê kui-tīng. Līng-guā tī tsin tsē kok-ka, tsong-kàu kap tsong-kàu tsheh pí-lūn Vedas, Sìng-king iah Koran mā bat sī huat-lu̍t luē-iông iàu-kín ê lâi-guân.

法律的類項[]

成文法佮無成文法[]

成文法是佇今大多數國家所使用的司法系統,伊是用根據憲法所制定的法律條文,抑是政府公佈的規定來做基礎,成文法閣有一個部份,是根據慣勢的法律程序,佇採取成文法的國家內底,法官一般的無遐大的權,大部份的法律佮判例攏是國會議員所做的。

Huat-lu̍t ê luī-hîng

Sîng-bûn-huat kap bô-sîng-bûn-huat

Sîng-bûn-huat sī tī tann tuā-to-sòo kok-ka sóo sú-iōng ê su-huat hē-thóng, i sī īng kin-kì hiàn-huat sóo tsè-tīng ê huat-lu̍t tiâu-bûn, iah-sī tsìng-hú kong-póo ê kui-tīng, lâi tsò ki-tshóo. Sîng-bûn-huat koh ū tsi̍t ê pōo-hūn, sī kin-kì kuàn-sì ê huat-lu̍t thîng-sū. Tī tshái-tshú sîng-bûn-huat ê kok-ka lāi-té, huat-kuann it-puann-tik bô hiah tuā ê kuân, tuā-pōo-hūn ê huat-lu̍t kap phuànn-lē lóng sī kok-huē gī-uân sóo tsò--ê.

無成文法是用往過法官所判決的結果做基礎的系統,伊的原頭佇英格蘭(England),閣今佇濟濟大英帝國以早的領土佮殖民地嘛有採用,(毋過蘇格蘭(Scotland)佮魁北克(Quebec)就無) 伊仝是嘛是美國上主要的法律形式,雖罔美國國會有通過濟濟法案,毋過有閣較濟的法律規定是因為以早法庭的判決。

Bô-sîng-bûn-huat sī īng íng-kuè huat-kuann sóo phuànn-kuat ê kiat-kó tsò ki-tshóo ê hīng-thóng. I ê guân-thâu tī England, koh tann tī tsē-tsē [[[Tāi-ing Tè-kok]] í-tsá ê líng-thóo kap si̍t-bîn-tē mā ū tshái-iōng. (M̄-koh Scotland kap Quebec tō bô.) I kāng-sī mā sī Bí-kok siōng tsú-iàu ê huat-lu̍t hîng-sik, sui-bóng Bí-kok kok-huē ū thong-kuè tsē-tsē huat-àn, m̄-koh ū koh khah tsē ê huat-lu̍t kui-tīng sī in-uī í-tsá huat-tîng ê phuànn-kuat.

無成文法佇中世紀就有啊,原起頭是約翰(John)國王予貴族強逼簽署的大憲章。

Bô-sîng-bûn-huat tī Tiong-sè-kí tō ū--a, guân-khí-thâu sī John Kok-ông hōo kuì-tso̍k kiông-pik tshiam-sú ê Tāi-hiàn-tsiunn.

宗教法律[]

宗教法律是根據宗教信仰抑宗教冊的法律,比論猶太教哈拉卡(Halakha)、伊士蘭(Islam)的沙里亞(Sharia)佮基督教的教會法,一直甲18世紀,沙里亞(Sharia)攏猶是伊士蘭世界的主要法律系統,佇親像沙烏地的阿拉伯(saudi Arabia)佮伊朗(Iran),(人因)閣規個法律系統基本的就是取沙里亞(Sharia)做根底的。

Tsong-kàu huat-lu̍t

Tsong-kàu huat-lu̍t sī kin-kì tsong-kàu sìn-gióng iah tsong-kàu tsheh ê huat-lu̍t. Pí-lūn Îu-thài-kàu ê Halakha, Islam ê Sharia, kap Ki-tok-kàu ê Kàu-huē-huat. It-ti̍t kah tsa̍p-peh sè-kí, Sharia lóng iáu sī Islam sè-kài ê tsú-iàu huat-lu̍t hē-thóng. Tī tshin-tshīunn Saud ê A-la-pik kap Iran, in kok kui-ê huat-lu̍t hē-thóng ki-pún-tik tō sī tshú Sharia tsò kin-té--ê.

宗教法律對一寡非宗教法裏的輕罪定定有真酷刑的處罰,對婦女少數族群有較不利。

Tsong-kàu huat-lu̍t tuì tsi̍t-kuá hui-tsong-kàu huat--ni̍h ê khin-tsuē tiānn-tiānn ū tsin khòo-hîng ê tshú-hua̍t, tuì hū-lú kap tsió-sòo tso̍k-kûn ū khah put-lī.


Advertisement