台語百科 Wiki
注册
Advertisement

猶太教形成佇公元前2000年的中東地區,建立猶太教的民族是彼當時的遊牧民族希伯來人。

Îu-thài-kàu hîng-sîng tī kong-guân-tsîng nn̄g-tshing nî ê Tiong-tang tē-khu, kiàn-li̍p Iu-thài-kàu ê bîn-tso̍k sī hit-tong-sî ê îu-bo̍k bîn-tso̍k Hi-pik-lâi-lâng.

猶太教嘛是一神論的宗教,崇拜主神阿竇乃,猶太教是希伯來人內部的民族宗教,基督教伊斯蘭教(Islam)這兩个世界上大的宗教,攏是對猶太教湠出去的,古早時,希臘國王亞歷山大大帝派兵征服希伯來人建立的猶太國,導致誠濟希伯來人流浪到希臘帝國,四散五路,公元前三世紀,希臘國王亞歷山大陀勒密二世招集七十外个會捌希臘語的猶太人,命令怹整理猶太文獻並且翻譯做希臘語,這就是現此時基督教咧用的希臘語聖經當中的舊約全書彼部份,人叫做"70子譯本",路尾,猶太國又閣受著羅馬帝國徹底滅亡,啊.佇咧耶路撒冷(Jerusalem)的猶太教殿堂嘛被毀掉,干焦賰一節(聖殿)爛糊糊的牆仔(哭牆),猶太人嘛煞分散到各所在。

Iu-thài-kàu mā-sī it-sîn-lūn ê tsong-kàu, tsông-pài tsú sîn A-tòo-nái (阿竇乃). Iu-thài-kàu sī Hi-pik-lâi-lâng luē-pōo ê bîn-tso̍k tsong-kàu. Ki-tok-kàu kah I-su-lân-kàu (Islam) tsit-nn̄g-ê sè-kài siōng tuā ê tsong-kàu, lóng-sī uì Iu-thài-kàu thuànn--tshut-khì--ê. Kóo-tsá-sî, Hi-lia̍p kok-ông A-li̍k-san-tāi tāi-tē phài-ping tsing-ho̍k Hi-pik-lâi-lâng kiàn-li̍p ê Iu-thài-kok, tō-tì tsiânn tsuē Hi-pik-lâi-lâng lîu-lōng kàu Hi-lia̍p tè-kok, sì-suànn-gōo-lōo. Kong-guân-tsîng sann sè-kí, Hi-lia̍p kok-ông A-li̍k-san-tāi Tô-lia̍t-bi̍t jī-sè (亞歷山大陀勒密) tsiau-tsi̍p tshit-tsa̍p-guā-ê ē bat Hi-lia̍p-gú ê Iu-thài-lâng, bīng-līng in tsíng-lí Iu-thài bûn-hiàn pīng-tshiánn huan-i̍k tsò Hi-lia̍p-gú, tse to̍h-sī hiàn-tsú-sî Kit-tok-kàu teh iōng--ê Hi-lia̍p-gú sìng-king tang-tiong ê Kū-iok-tsuân-su hit pōo-hūn, lâng kiò-tsò tshit-tsa̍p tsú i̍k-pún. Lōo-bué, Iu-thài-kok īu-koh sīu-tio̍h Lô-má Tè-kok thiat-té bia̍t-bông, iah..tī-leh Iâ-lōo-sat-líng (Jerusalem/耶路撒冷) ê Iu-thài-kàu tiān-tn̂g mā pī huí-tiāu, kan-ta tshun tsi̍t-tsat (聖殿) nuā-kôo-kôo ê tshîunn-á (khàu-tshîunn). Iu-thài-lâng mā suah hun-suànn kàu Au-A kok sóo-tsāi.

公元六世紀的時,有的猶太學者共"70子聖經"提出來閣整理校對,刣掉一寡仔佮希伯來原本抑是阿拉伯文本無關的內容,並且共經過重新整理的彼部份文字閣共翻譯希伯來文,成做猶太教的聖經,毋過,這个只不過是希伯來語聖經形成的一種講法爾。

Kong-guân la̍k sè-kí ê sî, ū-ê Iu-thài ha̍k-tsiá kā "tshit-tsa̍p tsú sìng-king" the̍h tshut-lâi koh tsíng-lí kàu-tuì, thâi-thiāu 1-kuá-á kah Hi-pik-lâi guân-bûn a̍h-sī A-la-pik bûn-pún bô kuan ê luē-iông, pīng-tshiánn kā king-kuè tiông-sin tsíng-lí ê hit-pōo-hūn bûn-jī koh kā huan-i̍k tsò Hi-pik-lâi-bûn, tsiânn-tsuè Iu-thài-kàu ê sìng-king. M̄-koh, tsit-ê kóng-huat tsí-put-kò sī Hi-pik-lâi-gú sìng-king hîng-sîng ê tsi̍t-tsióng kóng-huat niâ.

2000外年來,猶太教攏分散佇世界各地,各人的語言佮文化真早就分化,怹攏是靠統一(共同)的宗教信仰咧維持民族認同,猶太教認為救世主到今猶未降生(出世),怹無承認基督耶穌是救世主(這就是猶太教和基督教上蓋基本的區別),因為按呢,猶太教嘛直直受著基督教徒的隔絕佮看輕,猶太教徒透底攏欣羨佮崇尚本民族奢颺的過去,19世紀了後,猶太復國思想佇全球興起,各所在的猶太人到底倒轉去巴勒思坦買收土地佮田園,了後怹建立以色列這个國家,嘛因為按呢,煞來和阿拉伯人(人講阿拉伯人已經踮這塊土地行欲2000年囉)發生嚴重的衝突。

Nn̄g-tshing-guā nî lâi, Iû-thài-lâng lóng hun-suànn tī sè-kài kok-tē, kok-lâng ê gí-giân kah bûn-huà tsin tsá to̍h hun-huà, in lóng-sī khò thóng-it (kiōng-tông) ê tsóng-kàu sìn-gióng teh uî-tshî bîn-tso̍k jīn-tông. Iu-thài-kàu jīn-uî kìu-sè-tsú kàu-tann iá-buē kàng-sing (tshut-sì), in bô sîng-jīn ki-tok Iâ-soo sī kìu-sè-tsú (tse to̍h-sī Iu-thài-kàu hām Ki-tok-kàu siōng-kài kin-pún ê khu-pia̍t), in-uī án-ne, Iû-thài-kàu mā ti̍t-ti̍t sīu-tio̍h Ki-tok-kàu-tôo ê kheh-tse̍h kah khuànn-khin. Iû-thài-kàu-tôo thàu-té lóng him-bōo kah tsông-siong pún bîn-tso̍k tshia-iānn ê kuè-khì. Tsa̍p-kàu sè-kí liáu-āu, Iu-thài hok kok su-sióng tī tsuân-kîu hing-khí, kok sóo-tsāi ê Iu-thài-lâng tàu-té tó-tńg-khí Pa-lia̍t-su-thán bué-siu thóo-tē kah tshân-hn̂g, liáu-āu in kiàn-li̍p Í-sik-lia̍t tsit-ê kok-ka. Mā in-uī án-ne, suah lâi hām A-la-pik-lâng (lâng kóng A-la-pik-lâng í-king tiàm tsit-tè thóo-tē khiā beh 2000 nî loh) huat-sing giâm-tiōng ê tshiong-tu̍t.

因為有的猶太教、基督教佮伊斯蘭教這三个教派攏又承認舊約聖經當中的亞伯拉罕 (Abraham),所以有的宗教學者tsuânn共猶太教、基督教佮伊斯蘭教統統叫做亞伯拉罕教。

In-uī ū-ê Iû-thài-kàu, Ki-tok-kàu kah I-su-lân-kàu tsit-sann-ê kàu-phái lóng ū sîng-jīn Kū-iok Sìng-king tang-tiong ê A-pik-la-hán (亞伯拉罕; Abraham), sóo-í ū-ê tsong-kàu ha̍k-tsiá tsuânn kā Iu-thài-kàu, Ki-tok-kàu kah I-su-lân-kàu thóng-thóng kiò-tsuè A-pik-la-hán-kàu .


Advertisement