甲仙區（Kah-sian-khu）是臺灣高雄市的一个區，人口有6,079人（2018年2月），遐出產的芋仔佇臺灣蓋有名。族群屬於六堆中的右堆，客家人大約占區裡人口的1/3。
2009年8月，莫拉克風颱侵襲臺灣，風強雨大。甲仙鄉小林村小林聚落邊仔的小竹溪暴漲，水勢溢出公路的護欄。村民駛怪手試圖清出水路，但黃濁泥流袂當阻擋。8月9日透早，小林村東北爿一千偌公尺懸而且猶未人為開發的獻肚山因為不堪豪大雨走山，浹大量土石流衝入小林聚落。有100偌戶的厝全數予土石流覆滅，共計491人失蹤。
