台語百科 Wiki
Advertisement

社会科学学术研究-里的一个大分类,伊所牵涉的是关系人类团体和个人的社会生活,这内底包括人类学沟通研究经济学人文地理学历史学政治学心理学社会学等等的学科。

Siā-huē kho-ha̍kha̍k-su̍t gián-kìu--ni̍h ê 1 ê tuā hun-luī, i sóo khan-sia̍p--ê sī kuan-hē jîn-luī thuân-thé hām kò-jîn ê siā-huē sing-ua̍h, tsit lāi-té pau-kuat jîn-luī-ha̍k, koo-thong gián-kìu, king-tsè-ha̍k, jîn-bûn tē-lí-ha̍k, li̍k-sú-ha̍k, tsìng-tī-ha̍k, sim-lí-ha̍k kap siā-huē-ha̍k tíng-tíng ê ha̍k-kho.

社会科学的历史

伫人类的历史里,科学这个词比咱今一般的用法是阁较阔面的,有真久长的传统伫咧,伫实证主义兴起了后,科学沓沓仔变做自然科学的简省语,嘛因为这个影响,社会自按呢变做会当研究的客体,这个客体予人看做是有组织的组合,伫顺趁伊本身的规则佮方法论的原则下跤,会当共标准化,嘛通用客观的的方式来传达佮教育。

Siā-huē kho-ha̍k ê li̍k-sú

Tī jîn-luī ê li̍k-sú--ni̍h, kho-ha̍k tsit-ê sû pí lán tann it-puann ê iōng-huat sī koh khah khuat-bīn--ê, ū tsin kú-tn̂g ê thuân-thóng tī-leh. Tī si̍t-tsìng tsú-gī hing-khí liáu-āu, kho-ha̍k ta̍uh-ta̍uh-á piàn-tsuè tsū-jiân kho-ha̍k ê kán-síng-gí, mā in-uī tsit-ê íng-hióng, siā-huē tsū-án-ne piàn-tsò ē-tàng gián-kìu ê kheh-thé, tsit-ê kheh-thé hōo lâng khuànn-tsò sī ū tsoo-tsit ê tsoo-ha̍p, tī sūn-thàn i pún-sin ê kui-tsik kap hong-huat-lūn ê guân-tsik ē-kha, ē-tàng ka piau-tsún-huà, mā thang īng kheh-kuan-tik ê hong-sik lâi thuân-ta̍t kap kàu-io̍k.

Advertisement