台語百科 Wiki
Advertisement

種族主義(tsíng-tso̍k-tsú-gī)是一種信念,掠講有的種族抑是族群比別的較好,有這款信念的人號做種族主義者。

人類四常會共分做無仝的群體,分拆的標準,捷捷是真明的外表款式,比論:皮膚的色水等等,毋過按呢來共人分做無仝的群體並無定著就是種族主義,種族主義所主張的,是人類中間的群體,有較好佮較䆀的精差佇咧,甲若種族是攏對伊的祖公仔所遺傳來的,種族主義就會共這部份人看做較好,另外的人因端獨獨是怹的祖先無相siâng。

科學家一般的認為種族是對佇一个所在長時間徛起的家族所生湠來的,毋過,攏總的人種中間是會當互相配合生出後裔的,也按呢有的科學家無相信種族是一項科學事實,怹的理由是逐个個人佮個人本身嘛有足大的精差佇咧,閣若看無仝種族內底的人,嘛通發現怹有袂少共同的特徵。

現此時真濟國家佇法律上並無按種族來取無仝的對待,無分是佗一个種族的人民權利攏平等。

雖罔大多數的群體攏會對怹本身感覺榮光,毋過相信種族主義會予人去蹧躂別的族群,包括剝削別的族群的權利,閣較是去傷害怹的性命,過去,有的國家就捌予種族主義的政府統治過,親像納粹德國、民權運動進前的美國佮實行隔開政策 (apartheid)的[南非,佇頭前遮的例裡,真濟人失去自由抑性命的khí-tī,干焦是因為怹的種族。

種族主義的團體有三K黨 (KKK), 納粹等等。


Advertisement