台語百科 Wiki
Advertisement

空間(khong-kan)這个詞,佇各樣的領域內底有無仝的意思。

物理的空間性質

物理來講,空間有兩款特性: 絕對的空間相對的空間

絕對的空間是英國的物理學者牛頓(Newton)提出的,伊主張空間是相連紲、齊勻的、無際限的,空間成做包括自然的、經濟的佮社會的萬項物容器的路用。

佇牛頓對空間的說明內底,有牽涉著中世紀宗教觀念,致使有人較反對。

因為按呢,德國的學者 Gottfried Wilhelm Leibniz choaⁿ-á 主張相對的空間觀念,伊認為空間是逐項物互相之間的關係,這款關係會用得透過幾何學有條有段來掰會,也就是講,空間的性質,是佇物件佮物件中間相離有外遠來表現。

Newton佮Leibniz這兩派,有捌冤甲真激加,了後,Albert Einstein提出相對論,閣加上宇宙科學的發展,出現空間是宇宙大霹靂來產成的客觀存在的看法。

這款主張,是共絕對的空間佮相對的空間當做一个客觀存在的二種性質,原底對忤沖的二款主張怎仔按呢合做伙接受。


  • 這篇文章是對閩南語維基百科的:"Khong-kan"改來的,原本文章的作者請看伊的編輯歷史
Advertisement