台語百科 Wiki
Advertisement

美術是指專門做有藝術價值的活動佮作品的彼的概念。這个詞佮"藝術"的意思約其量相(相同),毋過"美術"特別是用佇和"應用藝術"佮"大眾藝術"各樣的純粹藝術的領域爾,佇藝術的範圍內底,原仔定定會講著美術這个詞,所以嘛會當閣共分做"應用美術"佮"純粹美術" 二類。

Bí-su̍t sī tsí tsuan-mn̂g tsò ū gē-su̍t kè-ta̍t ê ua̍h-tōng kap tsok-phín ê hit-ê khài-liām. Tsit-ê sû kap "gē-su̍t" ê ì-sù iok-kî-lio̍k sio-siâng, m̄-koh "bí-su̍t" ti̍k-pia̍t sī īng tī hām "ìng-iōng gē-su̍t" kap "tāi-tsiòng gē-su̍t" koh-īunn ê "sûn-tsuì gē-su̍t" ê líng-hi̍k--ni̍h. Tī gē-su̍t ê huān-uî lāi-té, uan-nā tiānn-tiānn ē kóng-tio̍h bí-su̍t tsit-ê sû, sóo-í mā ē-tàng koh kā hun-tsò "ìng-iōng bí-su̍t" kap "sûn-tsuì bí-su̍t" nn̄g luī.

繪畫雕刻是佇美術內底上蓋有代表性的,閣通對照實用藝術的插圖、圖解、設計佮工藝來看,這二部份原底分甲真明,毋過佇20世紀的上尾25冬,怹中間的界線煞變無去,精差的所在嘛綴咧曖昧起來。

Kuè-uē kap tiau-khik sī tī bí-su̍t lāi-té siōng-kài ū tāi-piáu-sìng--ê, koh thang tuì-tsiàu si̍t-iōng gē-su̍t ê tshah-tôo, tôo-kái, siat-kè kap kang-gē lâi khuànn. Tsit nn̄g pōo-hūn guân-té hun kah tsin bîng, m̄-koh tī jī-tsa̍p sè-kí ê siōng-bué jī-tsa̍p-gōo tang, in tiong-kan ê kài-suànn suah piàn bū--khì, tsing-tsha ê só·-tsāi mā tuè leh ài-māi--khí-lâi.


  • 這篇文章是對河佬百科(Holopedia)的:"Bí-su̍t"改來的,原本文章的作者請看伊的編輯歷史
Advertisement