台語百科 Wiki
Advertisement

話語(uē-gí)是一套代表佮傳達意義的系統,話語的構造包括語法聲韻,話語透過符號傳達;符號的物件包括聲音、手勢、表情、姿勢、文字等等。雖然有別種動物有用聲音來相應,毋過只有人算是會曉話語,主要的差別就是話語是有語法。語法的規則就是字音愛按怎合做一句話,閣會使直接抑是用的,毋是講有相應著是一種話語。

Uē-gí sī 1 thò tāi-piáu kap thuân-ta̍t ì-gī ê hē-thóng. Uē-gí ê kòo-tsō pau-kuat gí-huat, siann-ūn. Uē-gí thàu-kuè hû-hō thuân-ta̍t; hû-hō ê muî-kài pau-kuat siann-im, tshíu-sè, piáu-tsîng, tsu-sè, bûn-jī, tíng-tíng. Sui-jiân ū piat-tsióng tōng-bu̍t ū iōng siann-im sio-ìng. M̄-ko tsí-ū lâng sǹg sī ē-hiáu uē-gí. Tsú-iàu ê tsha-pia̍t tiō sī jī-im ài án-tsuánn ha̍p tsò tsi̍t kù uē. Koh ē-sái ti̍t-tsiap kóng ia̍h sī iōng siá ê. M̂-sī kóng ū sio-ìng tiō sī tsi̍t tsióng uē-gí.

講話能力是人上基本的行為之一,人的話語濟濟款;毋過無一套原則有法度誠客觀定義話語佮話語中間的界線。總是話語一般有下跤幾點特色:

1.伊是一陣人抑一个國家內底的人咧講的。
2.成做講話的才調。
3.變做形式語言,用佇數學邏輯學(logic)佮電腦科學,親像商業程式語言(COBOL)佮福傳語言(FORTRAN)。
4.臭耳聾比的手語。
5.學校當做一門課咧教。

Uē-gí lîng-li̍k sī lâng siōng ki-pún ê hîng-uî tsi it. Lâng ê uē-gí tsē-tsē khuán. M̄-ko bô tsi̍t thò guân-tsik ū-huat-tōo tsiânn khik-kuan tīng-gī uē-gí kah uē-gí tiong-kan ê kài-suànn. Tsóng--sī uē-gí it-puann ū ē-kha kuí tiám ti̍k-sik:

Tē it. I sī tsi̍t tīn lâng ia̍h kok-ka lāi-té ê lâng leh kóng ê.
Tē jī. Siânn tsò kóng-uē ê tsâi-tiāu.
Tē sann. Piàn tsò hîng-sik gí-giân, iōng tī sok-ha̍k, lô-tsi̍p-ha̍k(logic) kah tiān-náu kho-ha̍k, tshân-tshiūnn siong-gia̍p tîng-sik gí-giân(COBOL) kah Hok-thuân gí-giân(FORTRAN).
Tē sì. Tshàu-hīnn-lâng pí ê tshiú-gí.
Tē gōo. Ha̍k-hāu tòng tsò tsi̍t mn̂g khò le̍h kà.

參考[]

tsham-khó


  • 這篇文章是對河佬百科(holopedia)的:"Gí-giân"改來的,原本文章的作者請看伊的編輯歷史
  • 這篇文章嘛是對簡單英語維基百科(Simple English Wikipedia)的:"Language"改來的,原本文章的作者請看伊的編輯歷史
Advertisement