Au-tsiu ia̍h-sī kiò Au-lô-pa(欧罗巴; Europa) sī tī A-tsiu sai-pîng ê tsiu, mā ē-sái kóng sī Euro-a-tsiu tāi-lio̍k ê sai-pîng pōo-hūn. Au-tsiu tī Pak-ki̍k-îunn ê lâm-hong; sai-hong ū Tāi-se-îunn, lâm-hong ū Tē-tiong-hái, OO-hái. Tang-hong ū Oo-la-suann(乌拉山; Ural Mountains).
Bīn-tsik sī tē-jī-sè ê, ū tsi̍t-tshing sì-tsa̍p-bān pîng-hong-kong-lí, pí Ò-tāi-lī-a(澳大利亚; Australia) khah tuā--tām-po̍h-á.
Jîn-kháu pí A-tsiu, Hui-tsiu khah tsió, liōng-kî-iok ū la̍k-ik la̍k-tshing la̍k-pah sì-tsa̍p-káu-bān peh-tshing lâng (nn̄g-tshing khòng it nî). Tse tsha-put-to sī sè-kài jîn-kháu ê tshit hun tsi it.
Au-tsiu kok-ka tuā-pōo-hūn sī Au-tshiu Huē (Cooncil of Europe) ê huē-uân, kan-na Pe̍h-gô-lô-su(白俄罗斯; Belarus), Huān-tè-kong(梵蒂冈;Vaticano), Ha-sat-khik(哈萨克; Kazakhstan), Môo-la̍p-ko(摩纳哥; Monaco) bô tsham-ka. Bo̍k-tsîng ū jī-tsa̍p-gōo kok tsham-ka Au-tshiu Liân-bîng. Īu-koh ū kî-thann kok-ka tng teh kau-sia̍p ka-ji̍p ê tiâu-kiānn, mā ū kok-ka àn-sǹg khai-sí sin-tshíng. Tann in-uī Au-tshiu Liân-bîng ná lâi ná tuā, Europa tsit ê bîng-sû ū lâng lia̍h tsò sī tông-gī-sû.
Tē-lí sing-thài[]
Au-tsiu ê sim-lîm tsū káu-tshing nî-tsîng khai-sí ū lông-gia̍p tō ta̍uh-ta̍uh-á kiu--khì. tsa̍p-la̍k sè-kí ê sî-tsūn ū Tik-gí tē-khu khai-sí huat-tián kuán-lí sim-lîm ê huat-tōo, hiah-ê ki-su̍t tuì hia thuân kàu Au-tsiu kî-thann sóo-tsāi. Tò-kiu ê tshu-sè tī tsa̍p-káu sè-kí khai-sí kiânn huan-thâu. Bo̍k-tsîng Au-tsiu sī thong-sè-kài sim-lîm pó-tsûn liáu siāng hó ê tē-khu.
- Tsit phinn sī uì Hô-ló-pah-kho(Holopedia) ê : "Europa" kái lâi--ê. Guân-pún ê tsok-tsiá tshiánn khuànn i ê pian-tsi̍p li̍k-sú.