Tāi-hân Bîn-kok (Tiâu-sián-gí: 대한민국; hàn-jī: 大韓民國; lô-má-jī: Daehan Minguk) sī tsi̍t-ê uī-tī tang-pak A-tsiu Tiâu-sián Puàn-tó lâm-pōo ê kok-ka. Sai-lâm pinn sī N̂g-hái, tang-lâm pinn sī Tuì-má Hái-kiap. Tang uá Ji̍t-pún-hái. Pak pîng sī Tiâu-sián.
Tāi-hân Bîn-kok kap Tiâu-sián pún-lâi sī kāng tsi̍t-ê kok-ka. Ji̍t-pún pāi-tsiàn liáu-āu, Tiâu-sián pun-tsò 2-ê kok-ka, lâm-pōo tī 1948 nî sîng-li̍p Tāi-hân Bîn-kok, kap pak-pîng ê Tiâu-sián tuì-khòng.
Ki-pún tsu-liāu[]
- Kuann-hong gí-giân: Hân-gí (Tiâu-sián-gí)
- Síu-too: Seool (首爾)
- Siāng-tuā ê siânn-tshī: Seool
- Tsóng-thóng: Lee Myung-bak (李明博)
- Tshuā-thâu ê pōo-tíunn: : Han Seung-soo (韓昇洙)
- Bīn-tsik: 99,274 km² (pâi tē-107-uī)
- Jîn-kháu:
- 48,422,644
- Bi̍t-tōo: 488/km²
Hīng-tsìng Tan-uī[]
Hân-kok ê hīng-tsìng tan-uī hun-tsó Ti̍k-pia̍t-tshī (특별시, 特別市) , Kóng-hi̍k-tshī (광역시, 廣域市), kap Tō (도, 道).
- Ti̍k-pia̍t-tshī kan-nā ū tsi̍t-ê:
- 1. Seool Ti̍k-pia̍t-tshī (서울특별시, ──特別市)
- Kóng-hi̍k-tshī ū 6-ê:
- 2. Hú-san Kóng-hi̍k-tshī (부산광역시, 釜山廣域市)
- 3. Tāi-khu Kóng-hi̍k-tshī (대구광역시, 大邱廣域市)
- 4. Jîn-tshuan Kóng-hi̍k-tshī (인천광역시, 仁川廣域市)
- 5. Kong-tsiu Kóng-hi̍k-tshī (광주광역시, 光州廣域市)
- 6. Tāi-tiān Kóng-hi̍k-tshī (대전광역시, 大田廣域市)
- 7. Uì-san Kóng-hi̍k-tshī (울산광역시, 蔚山廣域市)
- Tō ū 9-ê:
- 8. Kiong-ki-tō (경기도) Tō-thing (道廳) tī Tsuí-uân (수원).
- 9. Kang-uân-tō (강원도) Tō-thing tī Tshun-tshuan (춘천).
- 10. Tiong-tshing-pak-tō (충청북도) Tō-thing tī Tshing-tsiu (청주).
- 11. Tiong-tshing-lâm-tō (충청남도) Tō-thing tī Tāi-tiān (대전).
- 12. Tsuân-lô-pak-tō (전라북도) Tō-thing tī Tsuân-tsiu (전주).
- 13. Tsuân-lô-lâm-tō (전라남도) Tō-thing tī Bū-an (무안).
- 14. Khìng-siōng-pak-tō (경상북도) Tō-thing tī Tāi-khu (대구).
- 15. Khìng-siōng-lâm-tō (경상남도) Tō-thing tī Tshiong-uân (천안).
- 16. Tsé-tsiu-tō (제주특별자치도) Tō-thing tī Tsé-tsiu (제주).
Tē-lí[]
Hân-kok uī-tī Tiâu-sián Puàn-tó ê lâm-pian. Tiâu-sián Puàn-tó tī A-tsiu Tāi-lio̍k ê tang-pak-pōo, uì pak-pinn kàu lâm-pinn tsóng-kiōng ū 1,100 kong-lí. Tiâu-sián Puàn-tó ê pak-pinn kap Tiong-kok hâm Lōo-se-a siong-tsiap. Tang-pinn uá Ji̍t-pún-hái, kap Ji̍t-pún keh hái siong-bāng. Tî-liáu puàn-tó í-guā Hân-kok koh ū 3-tshing kuí ê tó-sū.
Tiâu-sián Puàn-tó ê bīn-tsik ū 22,2154 pîng-hong-kong-lí. Kî-tiong 45% sī ē-sái tsíng-tshân ê thóo-tē. Tiâu-sián Puàn-tó ê suann-tē tsiam 3 hun tsi 2.
Thài-pe̍h-suann-bi̍k uí puàn-tó ê pak-pinn káu lâm-pinn. Siōng kuân ê suann sī Pe̍h-thôo-suann. Thài-pe̍h-suann-bi̍k tsú-iàu tī puàn-tó ê tang-pinn, sóo-í puàn-tó tang-pinn khah kuân, se-pinn khah kē. Uí lâm-pak lâi khuànn, pak-pinn khah kuân, lâm-pōo khah kē. Tang-pinn hái-gān khah ti̍t, sai-pinn hái-gān tó-sū kap hái-uan khah tsuē.
Tiâu-sián Puàn-tó tsú-iau ū 5-tiâu hô: Ah-lio̍k-kang, Tāu-muá-kang, Tāi-tông-kang, Hàn-kang, kap Lo̍k-tong-kang. Kî-tiong Hàn-kang kap Lo̍k-tong-kang sī tī Hân-kok lāi-té. Hàn-kang ê hà-îu tio̍h-sī Hân-kok ê síu-too Seool.
- Tsit phinn sī uì Hô-ló-pah-kho(Holopedia) ê : "Hân-kok" kái lâi--ê. Guân-pún ê tsok-tsiá tshiánn khuànn i ê pian-tsi̍p li̍k-sú.