台語百科 Wiki
Advertisement

Huat-kok (Huat-gú: République française; iā-sī kiò-tsò Hu̍t-lân-se (佛蘭西), Se-á-kok(西仔國), Huat-lân-se (法蘭西)) sī Au-tsiu sai-pîng ê kiōng-hô-kok. I ê tshù-pinn ū Pí-lī-sî(比利時; Belgium), Lôo-sim-pó(盧森堡; Luxemboorg), Tik-kok, Suī-se, Gī-tāi-lī(義大利; Italia), Môo-la̍p-ko(摩納哥; Monaco), An-tō-ní(安道爾; Andorra), kap Se-pan-gâ. Huat-kok sī Au-tsiu Liân-bîng ê huat-khí huē-uân ê tsi̍t ê; ū iōng Au-guân(歐元). I mā sī Pak-tāi-se-iûnn Kong-iok Tsoo-tsit(NATO), Liân-ha̍p-kok An-tsuân Lí-sū-huē ê huē-uân. Huat-kok ū hi̍k-tsú bú-khì.

Ki-pún tsu-liāu[]

  • Kuann-hong gí-giân: Huat-gí
  • Síu-too: Pa-lí(巴里; Paris]]
  • Siāng-tuā ê siânn-tshī: Pa-lí
  • Tsóng-thóng: Sat-kho-tsê(薩科齊; Nicolas Sarkozy)
  • Tshuā-thâu ê pōo-tíunn: Hui-íng(菲永; François Fillon)
Pau-khuah i-lāi-tē kap hái-guā niá-thóo
  • Bīn-tsik: 647,843 km² (pâi tē-47-uī)
  • Jîn-kháu:
I-lāi-tē kap hái-guā niá-thóo bô sǹg-tsâi-lāi
  • Bīn-tsik: 551,695 km²
  • Jîn-kháu:

Tē-lí[]

Huat-kok bīn-tsik 550,000 km², sī se Au-tsiu siōng tuā ê kok-ka. I pinn--á ū Pak-hái, Ing-kok hái-kiap (Huat-gí: La Manche, tshíu-ńg), Tāi-se-îunn, kap Tē-tiong-hái; hái-huānn lóng-tsóng sī 3,427 kong-lí tn̂g.

Tî-liáu tang-pak-pîng ê pōo-hūn, Huat-kok ê pinn-kài tsú-iàu sī thian-jiân ê kài-suànn. Lâm-pîng ê Pì-lí-giû-su(庇里牛斯; Pyrénées) suann-me̍h kā Huat-kok kap Se-pan-gâ hun-khui. Tang-pîng ê A-ní-pi-su(阿爾卑斯; Alpes) kah Hiu-lô(休羅; Jura) suann-me̍h sī i kap Gī-tāi-lī(義大利; Italia) í-ki̍p Suī-se ê tsū-jiân pinn-kài.

Huat-kok siōng tn̂g ê hô sī Lô-a-ní-hô(羅亞爾河; Loire River), tuì tang-lâm-pōo ê A-tik-si̍p-khu(阿德什區; Ardèche) lâu khì sai-pîng ê Tāi-se-îunn. Lô-a-ní-hô ū 1,020 kong-lí tn̂g; i 117,000 km² ê lîu-hi̍k tshiau-kuè Huat-kok bīn-tsik ê gōo-hun-tsi-it.

Li̍k-sú[]

Tī hiān-sî Huat-kok sóo huat-hiān ê siāng kóo ê jîn-luī tāi-iok tsûn-tsāi tī 1,800,000 nî tsîng.

Tī tsîng 600 nî, Ài-ò-nî-a-lâng(愛奧尼亞人; Ionia) tī Tē-tiong-hái kiàn-li̍p siânn-tshī. Tông-sī, Ka-lī-a-lâng(加利亞人; Gallia) mā tsìn-ji̍p liáu Huat-kok.

Guā-pōo liân-kiat[]


Advertisement