Ji̍t-pún

Ji̍t-pún (日本; Ji̍t-pún-uē: Nippon a̍h-sī Nihon), tiàm tī Tang A-tsiu ê hái-tó kok-ka, tī Tiâu-sián Puàn-tó kah Thài-pîng-îunn tiong-kan.

Ji̍t-pún ê jîn-kháu bi̍t-tōo sī sóo-ū í-khai-huat kok-ka tang-tiong tē-it-kuân ê.

Ki-pún tsu-liāu

• Kuann-hong gí-giân: Ji̍t-pún-uē
• Hú-siânn: Tang-kiann
• Kok-ka ê thâu-lâng: [[]] Bîng-jîn Thian-hông(明仁; Akihito)(2012 nî)
• Tshuā-thâu ê pōo-tíunn: Iá-tiân Ka-gān(野田佳彦; Noda Yosihiko) (2012 nî)

Tē-lí sing-thài

Ji̍t-pún tiàm-tī Thài-pîng-îunn Hué-khuan ê hué-suann tē-tài, khin-tōo tē-tāng tsia̍p-tsia̍p ū, sam-put-gōo-sî tshi̍k koh khah lī-hāi. Tuā tē-tāng ta̍k sè-kí huat-sing kuí-nā-pái, hái-tiòng tshiâng-tsāi tuè tī āu-piah, tsō-sîng tuā tsai-lān. Kīn-lâi huat-sing ê tē-tāng ū 2004 nî ê Tiong-ua̍t(中越; Chyuetu) Tē-tāng kah 2005 nî ê tuā Pán-sîn(阪神; Hansin) tē-tāng. Un-tsuânn muá-muá-sī, tsē-tsē khai-huat tsò tōo-ká-tiong-sim.

Ji̍t-pún kûn-tó khì-hāu un-hô; lâm-hong sio-lo̍h, sio̍k-î a-jia̍t-tài, pak-hong Pak-hái-tō(北海道; Hokkaidô) tshing-liâng, sio̍k-î un-tài.

Ji̍t-pún ê lio̍k-tē tsú-iàu pau-kuah sì tuā tó kah tsi̍t tsoo kûn-tó: Pak-hái-tō (北海道;Hokkaidô), Pún-tsiu (本州; Honshû]], Sù-kok (四国; Sikoku), Kiú-tsiu(九州; Kyûshû]] (九州), kap Liû-kiû Kûn-tó (琉球群岛; Ryûkyû). 73% sī suann-tē, ta̍k-ê tuā tó to ū tsi̍t liâu suann-me̍h. Hù-sū-suann(富士山) siāng kuân (3,776 m). 80% ê tē sī sim-lîm. Tuā-pōo-hūn m̄-sī guân-sú-nâ, sī tī kuè-khì 300 tang sin tsìng ê tshīu-tsâng. Tik-tshuan Bōo-hú(德川幕府; Tokugawa) ê tsìng-tshik kóo-lē pó-io̍k sim-lîm.

Jîn-kháu

Ji̍t-pún tuā-pōo-hūn sī suann-tē, kan-tann 20% tsó-īu sī pênn-tē. Suann-tē jîn-kháu bi̍t-tōo kē, siânn-tshī kap lông-tē lóng tī pênn-tē, hia jîn-kháu bi̍t-tōo hui-siông kuân.

King-tsè

Tī Tik-tshuan(德川; Tokugawa) sî-tai khai-sí tuā-liōng khai-huat hái tsu-guân.

Li̍k-sú sū-kiānn

• 1467 nî: luē-tsiàn
• 1603-1867: Tik-tshuan Bōo-hú

Hîng-tsìng tan-uī

Ji̍t-pún tíng-tsân ê hîng-tsìng tan-uī àn-tsiàu thuân-thóng pun tsò too-tō-hú-kuān sì luī, iā-tsīu-sī ū tsi̍t ê too (Tang-kiann), tsi̍t ê tō (北海道; Hokkaidô), nn̄g ê hú (Kiann-too, Tāi-pán), kah sì-tsa̍p-sann ê kuān. Līng-guā īu-koh pun tsò kuí-nā-ê tē-khu.

Pún-tsiu(本州)

• Tang-pak Tē-khu(东北地区) - Tshing-sim-kuān(青森县)、Giâm-tshiú-kuān(岩手县)、Kiong-siânn-kuān(宫城县)、Tshiu-tiân-kuān(秋田县)、San-hîng-kuān山形县]]、Hok-tó-kuān福岛县]]
• Kuan-tong Tē-khu(关东地区) - Tsû-siânn-kuān(茨城县)、Lē-bo̍k-kuān(栃木县)、Kûn-má-kuān(群马县)、Kî-gio̍k-kuān(埼玉县)、Tshian-ia̍p-kuān(千叶县)、Tang-kiann-too(东京都)、Sîn-nāi-tshuan-kuān(神奈川县)
• Tiong-pōo Tē-khu(中部地区) - San-lê-kuān(山梨县)、Tiông-iá-kuān(长野县)、Sin-sik-kuān(新潟县)、Kî-hū-kuān(岐阜县)、Tsīng-kong-kuān(静冈县)、Ài-ti-kuān(爱知县)、Hù-san-kuān(富山县)、Tsio̍h-tshuan-kuān(石川县)、Hok-tsénn-kuān(福井县)
• Kīn-ki Tē-khu(近畿地区) - Sam-tiông-kuān(三重县)、Tsu-hō-kuān(滋贺县) 、Kiann-too-hú(京都府)、Tāi-pán-hú(大阪府)、Ping-khòo-kuān(兵库县)、Nāi-liông-kuān(奈良县)、Hô-ko-san-kuān(和歌山县)
• Tiong-kok Tē-khu(中国地区) - Niáu-tshú-kuān(鸟取县)、Tó-kin-kuān(岛根县)、Kong-san-kuān(冈山县)、Kóng-tó-kuān(广岛县)、Suann-kháu-kuān(山口县)

Sù-kok(四国)

• Sù-kok Tē-khu(四国地区) - Tik-tó-kuān(德岛县)、Hiong-tshuan-kuān(香川县)、Ài-uān-kuān(爱媛县)、Ko-ti-kuān(高知县)

Kiú-tsiu(九州)

• Kiú-tsiu Tē-khu(九州地区) - Hok-kong-kuān(福冈县)、Tsò-hō-kuān(佐贺县)、Tn̂g-kiā-kuān(长崎县)、Hîm-pún-kuān(熊本县)、Tāi-hun-kuān(大分县)、Kiong-kiā-kuān(宫崎县)、Lo̍k-jî-tó-kuān(鹿儿岛县)

Liû-kiû Kûn-tó(琉球群岛)

• Liû-kiû Tē-khu(琉球地区) - Tshiong-sîng-kuān(冲绳县)

• Tsit phinn sī uì Hô-ló-pah-kho(Holopedia) ê : "Ji̍t-pún" kái lâi--ê. Guân-pún ê tsok-tsiá tshiánn khuànn i ê pian-tsi̍p li̍k-sú.