台語百科 Wiki
Advertisement

Kok-ka sī tsi̍t ê ū thóo-tē, tsú-kuân ê tsìng-tī tan-uī. Kok-ka ū tsìng-hú hua̍t-lo̍h hîng-tsìng, pau-kuat lī-iōng kíng-tshat, kun-tuī tsè-tōo tsip-hîng huat-lu̍t (tshin-tshīunn kā jîn-bîn khioh-suè). Hiān-tāi ê kok-ka it-puann ū hiàn-huat; pau-kuat tsi̍t-kuá ông-kok mā sī.

Ū-kuá kok-ka tī li̍k-sú-siōng îu tsi̍t ê tsú-iàu ê tso̍k-kûn/bîn-tso̍k kiàn-li̍p, a̍h-sī tī kiàn-kok ê kuè-tîng ū kuí-ā-ê tso̍k-kûn tsiânn-tsò tsi̍t ê ū ì-sik ê kûn-thé. Ū lâng tshing-hoo tsit khuán kok-ka sī bîn-tso̍k kok-ka. Mā ū kok-ka îu kuí-ā-ê ū thuân-thóng thóo-tē ê bîn-tso̍k tsóo-sîng, āu--lâi kè-sio̍k î-tshî ka-kī ê bûn-huà, tsìng-tī ì-sik kap hîng-tsìng tan-uī, sīm-tsì ū tsū-tī-kuân, kî-á, kok-kua. Tsit-khuán kok-ka lāi-té ê tan-uī ū-sî uân-nā ū lâng tshing-hōo sī "kok-ka"; in it-puann bô hua̍t-lo̍h guā-kau ê kuân-lī. Liân-ha̍p ông-kok ê Ui-ní-su(Cymru;Wales]], Se-pan-gâ ê Ka-thài-liông-nī-a(Catalunya), Tan-kok(Danmark]] ê Hoat-lô Kûn-tó(Føroyar;Faroe Islands), Lōo-se-a lāi-pōo ê Bo̍k-ní-to-uá Kiōng-hô-kok (Мордовскяй Республикась;Republic of Mordovia).

Kok-ka ê líng-thóo ū-sî m̄-sī kui tè kiap tsò-hué. Tshin-tshīunn Tang Tè-bûn(East Timor) ū sè-tè thóo-tē (Au-khòo-se An-puè-lo̍k; Uecussi-Ambeno) tī Ìn-nî thóng-tī ê Se Tè-bûn (West Timor).

Siong-kuan ê bûn-tsiunn[]

  • Kok-ka lia̍t-tuann
  • Kok-ka lia̍t-tuann (Àn-tsiàu tāi-lio̍k pâi-lia̍t)


  • Tsit phinn sī uì Hô-ló-pah-kho(Holopedia) ê : "Kok-ka" kái lâi--ê. Guân-pún ê tsok-tsiá tshiánn khuànn i ê pian-tsi̍p li̍k-sú.
Advertisement