台語百科 Wiki
Advertisement

Sè-pau (Hàn-jī: 細胞; Ing-gí: cell) sī sing-bu̍t ê kiat-kòo kap kong-lîng tan-uī, ū-tang-sî-á kā kiò-tsò "khí-tsò sing-but ê tsng-á-thâu (building block of life)." Tsi̍t-kuá sing-bu̍t sī koo-tsi̍t-ê sè-pau sóo tsoo-sîng, tshan-tshīunn sè-khún. Kî-thann sing-bu̍t sī to-sè-pau--ê, tshan-tshīunn jîn-luī. Jîn-luī tāi-khài ū 100-tiāu (1014) ê sè-pau. Tián-hîng sè-pau ê tuā-sè sī 10 µm, tsit-liōng sī 1 nanogram.

1839Stsleiden kap Stswann tāi-sing the̍h-tshut sè-pau lí-lūn, kóng sóo-ū sing-bu̍t sī îu 1-ê hi̍k to-ê sè-pau lâi tsoo-sîng; sóo-ū sè-pau lâi-tsū tsìn-tsîng tsûn-tsāi ê sè-pau; sing-bu̍t sóo-ū tiōng-iàu ê kong-lîng huat-sing tsāi sè-pau lāi-té, ah sè-pau ū-hâm tiâu-tsiat sè-pau kong-lîng kap thuân-thuànn sìn-sit hōo āu-tāi sóo su-iàu ê uî-thuân sìn-sit.

Ing-gí cell tsit jī sī uì La-ting-gí cella lâi--ê, ì-sù sī sè king pâng-king. Tse miâ sī Robert Hooke suán--ê, i kuan-tshat cork sè-pau, huat-hiān kah sing-lī (僧侶, monks) sóo tuà ê sè-king pâng-king beh-sio-siâng.

Ū-lâng (Lynn Margulis kap Dorian Sagan, 1995) hun-huē huán-tuì sè-pau sī sing-bu̍t siāng-sè ê kòo-sîng tan-uī.

  • Tsit phinn bûn-tsiunn sī uì holopedia ê "Sè-pau" kái--lâi ê. Guân-pún bûn-tsiunn ê tsok-tsiá tshiánn khuànn i ê li̍k-sú.
Advertisement