Se-pan-gâ-gí (español) mā hō-tsò khah-su-thê-a-gí(卡斯提亚语; castellano), sī tsi̍t tsióng I-pí-lī-a(伊比利亚;Iberian) Lô-bān gí-giân(罗曼语言), tsuân sè-kài tē jī tsì kàu tē-sì tsē lâng īng. Ū sann-ik gōo-tshing nn̄g-pah-bān lâng ê bó-gí sī Se-pan-gâ-gí, kóng ê lâng ū sì-ik tsi̍t-tshing tshit-pah-bān (1999 nî ê sòo-kì). Ū lâng jīn-uî Ing-gí lia̍h-guā, tē jī tiōng-iàu ê gí-giân sī Se-pan-gâ-gí, m̄ sī Huat-gí, in-uī tī Bí-kok jú lâi jú tsia̍p īng, Se-pan-gâ-gí sī kuann-hong-gí-giân ê kok-ka tshut-sing-lu̍t ū khah kuân, ū leh kóng ê sóo-tsāi khuah king-tsè sîng-tióng kín, tsiàm tsuân-kîu im-ga̍k tshī-tîunn (global music market) ê pí-lē mā jú lâi jú kuân, tíng-tíng tsin tsē in-sòo.
- Tsit phinn sī uì Hô-ló-pah-kho(Holopedia) ê : "Se-pan-gâ-gí" kái lâi--ê. Guân-pún ê tsok-tsiá tshiánn khuànn i ê pian-tsi̍p li̍k-sú.